Shkalla e papunësisë gjatë nëntorit ngjitet në 3.1%

Por në nëntor të vitit 2016 shkalla e papunësisë në Zvicër ka qenë 3.3 për qind ose për 0.2% më e lartë se tash, një vit më vonë

Gjatë nëntorit, shkalla e papunësisë në Zvicër ka shënuar një rritje të vogël. Kështu, ajo, nga 3 për qind sa ka qenë në tetor, ëdhtë ngjitur në vlerën 3.1% në fund të nëntorit, njofton SECO (Sekretariati Shtetëror për Ekonomi).

Gjithsej në qendrat regjionale për ndërmjetësim të punës knë qenë të regjistruar 137.300 veta si të papunë. Por po u krahasuan shifrat me atë të nëntorit të një viti më parë, del se në këtë nëntor në Zvicër më shumë njerëz kanë pasur një vend pune. Me fjalë tjera, në nëntor të vitit 2016 shkalla e papunësisë në Zvicër ka qenë 3.3 për qind ose për 0.2% më e lartë se tash, një vit më vonë.

Nga të gjitha kategoritë, në mes të dy nëntorëve rënie është regjistruar në numrin e të papunëve të mosës së re.