Shengen: Mekanizëm i ri për kontroll të kufijve

Vendet e zonës Shengen dëshirojnë ta ruajnë kontrollin mbi kufijtë e tyre. Komisioni Evropian reagon i pakënaqur

Në zonën Shengen, në të ardhmen është gjetur një mënyrë tjetër për të futur sërish kontrollin e përkohshëm të kufijve.

Bëhet fjalë për të ashtuquajturën “Mekanizmi i ri emergjent” për të cilën ka rënë dakord ministrat e brendshëm të BE- në, të enjten, në Luksemburg. Lajmin e ka bërë të ditur nëpërmjet  Twitter-it  presidenca daneze e BE-së.

Mekanizmi i ri duhet të aktivizohet në “rrethana të jashtëzakonshme”, sidomos kur kemi të bëjmë me një fluks  të madh refugjatësh, ose në raste kur një shtet anëtar do të ketë probleme të mëdha me kontrollin e kufijve të jashtëm të zonës Shengen.

Zvicra ka mbështetur një propozim të tillë.

Mekanizmi nuk mund të vendoset në mënyrë të njëanshme nga njëri nga 26 vendet anëtare të Shengenit.

Rifutja e kontrollit të kufirit mund  të jetë e vlefshme për gjashtë muaj, por mund të rinovohet tri herë për gjashtë muaj, kështu që mund të aplikohet për dy vite në maksimum.

Përveç kësaj, mekanizmi ekzistues mund të aplikohet për rifutjen e përkohshëm të kontrollit edhe për kufijtë e brendshëm nëse një shteti anëtar i kërcënohet seriozisht rendi publik ose siguria e brendshme.17 vjet më parë Konventa e Shengenit hyri në fuqi duke përfshirë tani pothuajse të gjitha vendet e BE-së, përveç Mbretërisë së Bashkuar, Irlandës dhe Qiproja.

Një total prej 26 vendeve kanë nënshkruar marrëveshjen e Shengenit.