Lajme
SHBA-ja, kundër pranisë fizike në Asamblenë e OKB-së
Shtetet e Bashkuara po u bëjnë thirrje udhëheqësve botërorë që të mos udhëtojnë drejt Nju-Jorkut në muajin shtator për takimin vjetor të Asamblesë së Përgjithshme të Organizatës së Kombeve të Bashkuara për shkak të rrezikut të përhapjes së koronavirusit të ri. SHBA-ja po i nxit ata që në vend të prezencës fizike, deklaratat e tyre t’i bëjnë përmes videos.
Misioni amerikan u ka dërguar 192 anëtarëve të tjerë të OKB-së një letër, në të cilën gjithashtu bëhet thirrje që të gjitha takimet e tjera të organizuara nga OKB-ja dhe ngjarjet përcjellëse të jenë në formën virtuale.
“Krerët e delegacioneve duhet të konsiderojnë dërgimin e deklaratave të tyre në Debatin e Përgjithshëm të Asamblesë së Përgjithshme të OKB -së me video. Nëse delegacionet zgjedhin të udhëtojnë në Nju-Jork, ne kërkojmë që të sjellin numrin minimal të udhëtarëve të nevojshëm”, tha ambasadorja amerikane në Kombet e Bashkuara, Linda Thomas-Greenfield, në letrën të cilën u dërgoi homologëve të saj.
Agjencitë Reuters dhe AP e kanë parë përmbajtjen e letrës.
Sekretari i Përgjithshëm i OKB-së, Antonio Guterres, në kuadër të Asamblesë së sivjetme po planifikon të organizojë takime të nivelit të lartë për ndryshimet klimatike, energjinë, sistemet ushqimore dhe 20-vjetorin e Konferencës Botërore të OKB-së Kundër Racizmit.
Por, SHBA-ja vlerëson se takimet përcjellëse që kërkojnë praninë e shumë personave e rrezikojnë pa nevojë komunitetin në Nju-Jork dhe vizitorët e tjerë.
Për shkak të pandemisë, në takimin e vitit të kaluar, udhëheqësit dërguan video të regjistruara paraprakisht ose deklaratat e tyre u lexuan nga ambasadorët përkatës në OKB.
Këtë vit, Shtetet e Bashkuara thanë se pandemia COVID-19 “vazhdon të përbëjë një rrezik të rëndësishëm shëndetësor në gjithë botën”.
Rastet e shtrimeve në spital dhe të të infektuarve janë rritur në SHBA për shkak të variantit Delta të koronavirusit, i cili është më ngjitës./rel
Të tjera nga Lajme
E-Diaspora
-
Prime Travel, partneri juaj i udhëtimeve Agjencia Turistike ju ofron përvojën më të paharrueshme në udhëtime...
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë