Shaqiri vlen 17 milionë franga

"Performanca, përvoja, mosha, kontrata, ekspertët, gazetarët dhe perspektiva", janë faktorët që luajnë një rol në formimin e çmimit

Ylli i pakontestueshëm i futbollit zviceran e më gjerë, prej kohësh i cilësuar si futbollisti më i mirë i Zvicrës, Xherdan Shaqiri, “kushton” 17 milionë franga. Këtë çmim ia ka caktuar atij shefi zviceran i transfermarkt.ch, siç shkruan gazeta “Blick” në numrin e djeshëm.

Emri i tij tashmë nuk bën të mungojë në notesët e top-klubeve të mëdha evropiane. Edhe javën e kaluar skautët (vëzhguesit) panë një Shaqiri të mrekullueshëm, i cili me golin e tij nga e fuzndoi edhe më tej FC Zürichun në krizë.

Me secilin gol, me secilin aksion, Shaqiri bëhet gjithnjë më i vlefshëm. Por, sa në të vërtetë është vlera e tij në tregun e futbollit botëror? Për të marrë një përgjigje, Blick ka pyetur shefin e transfer.ch, Mario Schlup.

“Shaqiri është me siguri futbollisti më i vlefshëm i superligës së Zvicrës. Dhe unë mendoj se vlera e tij e transferit është afërsisht 14 milionë euro (17 milionë franga), ka thënë Schlup. Ai ka shpjeguar edhe mënyrën se si ka arritur në këtë shifër.

“Performanca, përvoja, mosha, kalimi i afatit të kontratës dhe perspektiva”, janë faktorët që luajnë një rol në formimin e çmimit. Por transfer.ch merr parasysh edhe mendimet dhe qëndrimet e klubeve, këshilltarëve dhe gazetarëve kur e bën përcaktimin e çmimit të një lojtari”.

Futbollisti i Zvicrës që deri më tani është vlerësuar më së shumti ka qenë Inler. Ai është “shitur” për plot 21 milionë franga (por, jo deri sa ka qenë në Zvicër).