Serbët bllokojnë një furrë të shqiptarëve në Beograd, reagon Pacolli

Foto nga protesta e pare

Gjatë pasdites së sotme, u raportua nëpër rrjete sociale e media se është bllokuar një furrë e shqiptarëve në Beograd, shkruan albinfo.ch.

Nga fotografitë që janë shpërndarë në rrjetet sociale, shihen persona me flamuj serbë e me letra në të cilat dukej hartat e Kosovës nme flamuj serb.

Këtë incident e ka konfirmuar edhe ministri i Jashtëm i Kosovës, Behgjet Pacolli, i cili ndër të tjerash ka thënë se në Serbi nuk ka demokraci për banorët jo serbë.

“Sot serbet në Beograd kanë bllokuar punën e një furre pronë e një shqiptari. Në raport me realizimin e të drejtave të shqiptarëve që jetojnë në këtë vend, Serbia ka karakteristika të kombinuara të regjimeve kriminale, shteteve të dështuara, dhe regjimeve totalitare. Mentaliteti i tillë paraqet një ndërthurje të fashizmit nën petkun paramilitar dhe bandave kriminale bashkë. Demokracia nuk vlen për jo serbet në këtë vend, dhe nuk e kuptoj pse synojnë t’i bashkohen BE-së”, ka shkruar Pacolli në Facebook, përcjell albinfo.ch.