Seferi, i lënduar, mbron titullin e kampionit të Evropës

Shqiptari nga Maqedonia, me qëndrim në Zvicër, ka mbrojtur për herë të dytë me sukses titullin e kampionit të Evropës

Kampioni Evropian i boksit në versionin WBO, i kategorisë Cruiser, Nuri Seferi ia ka dalë mbrëmë që në vendlindjen e tij, në Gostivar të mundte sfiduesin e tij, belgun Tony Ingelrest dhe të mbante në pronësinë e tij titullin e kampionit.

Në këtë mënyrë shqiptari nga Maqedonia, me qëndrim në Zvicër, ka mbrojtur për herë të dytë me sukses titullin e kampionit të Evropës.

Kundërshtarin e tij Seferi e ka mundur në raundin e tretë me një nokaut teknik.

Fitorja e Seferit fiton edhe më shumë në rëndësi për faktin se ai vetëm pak kohë më parë kishte një lëndim serioz dhe madje qe paralajmëruar edhe tërheqja e tij e plotë nga boksi.

Këshilltari sportiv i Nuri Seferit ka thënë për Figosport.de se me performancën shumë të mirë që ka treguar, Nuriu është kandidat serioz që vitin e ardhshëm të fitojë ehde një shans për titullin e kampionit botëror.