Të tjera

Scholz: S’arritëm marrëveshje me Serbinë për sanksionet kundër Rusisë

Kancelari i Gjermanisë, Olaf Scholz, tha se nuk kanë arritur të bien dakord me Serbinë sa u përket sanksioneve ndaj Rusisë lidhur me luftën në Ukrainë. Këtë ai e bëri të ditur në një konferencë për medie pas samitit BE-Ballkani Perëndimor në Tiranë.
Kancelari gjerman konfirmoi se për këtë temë kishte folur me presidentin serb, Aleksandër Vuçiq.

“Është e qartë që ne kemi pritshmëri, ka nga çdokush që dëshiron të na bashkohet. Unë fola edhe për politikat e vizave, ka pasur ndryshime dhe mendoj se do të ketë ndryshime të tjera në të ardhmen. Ne nuk biem dakord për sai përket çështjes së sanksioneve, kjo nuk është diçka e re. Por, mosmarrëveshjet vazhdojnë ende”, deklaroi Scholz.