Rusët në BQK

Sistemi bankar i Kosovës “ka rënë në duar” të disa shtetasve rusë, përfaqësues të kompanisë “CMA Small System AB”.

Kjo e fundit që ka zyrat kryesore në Suedi, Rusi, Francë dhe është përzgjedhur nga Banka Qendrore e Kosovës për funksionalizimin e platformës për letra me vlerë, shkruan Zëri, duke cituar burime.

Në bazë të kontratës së dhënë nga BQK më 25 mars 2011, ku në tenderin e shpallur kishin konkurruar 6 kompani, përfaqësuesit e kompanisë fituese duhet ta furnizojnë BQK-në me softuer të integruar, në mënyrë që t’i mbulojë funksionet e kërkuara të sistemit qendror të letrave më vlerë, duhet të sigurojë këshilla dhe konsulencë në krijimin dhe funksionimin e sistemeve, implementimin dhe funksionalizimin e suoftuerit.

Po ashtu me kontratë parashihet edhe integrimi i aplikacioneve të suoftverit me sistemet bankare ekzistuese të BQK-së, trajnimin e stafit të kësaj të fundit dhe të personelit në institucionet pjesëmarrëse në përdorimin dhe administrimin e operacioneve teknike të sistemit.