“Kurrë mos thuaj kurrë”, do të ishte një mënyrë e përshtatshme për të përshkruar një rikthim kaq të jashtëzakonshëm.

Në javën e fundit të qershorit, gjithsej 129 A380 u ngritën sërish në qiell globalisht, të operuar nga shtatë linja ajrore, sipas portalit gjurmues Flightradar24. Kjo është më shumë se gjysma e 251 avionëve me distanca të gjata të dorëzuara ndonjëherë, me shumë të tjerë që kthehen në shërbim çdo javë.

Në një kthesë spektakulare javën e kaluar, linja ajrore gjermane Lufthansa konfirmoi se po sjell gjithashtu disa A380 për sezonin e verës 2023, një shenjë se një rikthim i A380, i paimagjinueshëm vetëm disa muaj më parë, po fillon të duket më konkret.

Kompania ajrore Emirates nga Dubai mbetet mbështetësi më i fortë i A380 dhe klienti më i madh deri tani. Emirates ka 123 A380, pothuajse gjysma e të gjithë sasisë së prodhuar ndonjëherë.

Prodhimi i A380 përfundoi vitin e kaluar, me Emirates që morën A380-n e fundit të ndërtuar në fabrikën e Airbus në Hamburg, në dhjetor 2021. Epoka e avionit me katër motorë me trup të gjerë dukej se kishte mbaruar, pasi rivali amerikan Boeing tregoi se do t’i jepte fund prodhimit të Boeing 747 legjendar në vitin 2022, pas më shumë se 50 vjetësh.

Air France hoqi gradualisht 10 Airbus A380 të saj përgjithmonë nga qarkullimi edhe para goditjes së pandemisë, disa tashmë ishin çmontuar. Kur pandemia COVID-19 e solli aviacionin pothuajse në një pezullim në pranverën e vitit 2020, fundi i shumicës së A380-ve të mbetur u duk i pashmangshëm, me përjashtim të flotës së Emirates, pasi linja ajrore kishte njoftuar tashmë se do të fluturonte me dykatëshe, të kompletuara me dushe dhe një sallë pritjeje në bord, deri në mesin e viteve 2030. /DW