Robin Krasniqi mbron titullin e Kampionit Evropian

Me këtë fitore, Robin (Haxhi) Krasniqi ka radhitur fitoren e 37 nga gjithsej 39 meçe të tij në karrierën profesioniste

Boksieri profesionist nga Kosova, me qëndrim në Gjermani, Robin (i njohur edhe si Haxhi) Krasniqi ka mbrojtur mbrëmë titullin e Kampionit Evropian në versionin WBO të kategorisë gjysmë të rëndë. Ai, në spektaklin e boksit të mbajtur të shtunën mbrëma në Magdeburg ka mundur me nokaut teknik, në raundin e fundit, të 12, boksierin nga Franca, Hakim Zoulikhan.

Gjyqtari në ring ka ndërprerë luftën vetëm 5 sekonda para përfunmdmitvtë raundit të fundit, të dymbëdhjetë. Këtë e ka bërë për shkak se Zoulikhan, sfiduesi i kampionit evropian, pas një breshërie goditjesh që mori nga kampioni Krasniqi, u paaftësua për luftë.

Me këtë fitore, Robin Krasniqi ka radhitur fitoren e 37 nga gjithsej 39 meçe të tij në karrierën profesioniste.