Reagojnë mërgimtarët shqiptarë nga Maqedonia

“Akoma sot mbi tridhjetë mijë banorë të Maqedonisë që jetojnë në mesin e Italisë janë pa udhëtim ajrorë Roma-Shkup”, thuhet në reagimin e mërgimtarëve shqiptarë

Mërgimtarët shqiptarë nga Maqedonia të cilët jetojnë dhe punojnë në Itali kanë reaguar ndaj Ministrisë së Transportit dhe Lidhjeve të Maqedonisë, raporton albinfo.ch.

Ata reaguar ndaj Ministrisë për shkak të mosinteresimit që të ju lehtësohen procedurat në çdo lidhje ndaj vendlindjes.

Letra e plotë e mërgimtarëve

Ishin vitet tetëdhjetë, kur në Itali zbarkuan Shqiptarët e Maqedonisë për herë të parë.

Pavarësisht pozita e tyre ekonomike nuk ka qenë në mënyrë të vazhdueshme pozitive, por kthimi vjetorë i tyre në shtëpi me familjet e tyre (për mirë apo për keq), ka qenë vazhdimisht i rregullt.

Të marrim parasysh faktin se secili prej kthimit tonë ishte edhe një kthim në pikëpamje ekonomike në arkat e shtetit, dhe për këtë fakt Shteti nuk ka pasur një sy për popullin e tij.

Fakti se në këto dhjetë vitet e fundit udhëtimi që është dashur të jetë, për mërgimtarët, ma i sigurt dhe ma i shpejt, është demonstruar se ishte udhëtim me shumë mangësi dhe më shumë korrupsion, deri në braktisjen e kufomës në mes të aeroportit të Romës.

Akoma sot mbi tridhjetë mijë banorë të Maqedonisë që jetojnë në mesin e Italisë janë pa udhëtim ajrorë Roma-Shkup.

Unë bashkë me mërgimtarët tanë qe jetojnë dhe punojnë ne Itali, po ju apeloj për padrejtësinë qe po na bëhet! Tash e shume vite na mungon Vija Ajrore ROMË-SHKUP dhe anasjelltas. Mbetemi me shpresë se do të merret në konsideratë

Kërkesa jone bashkatdhetarë!

Të merreni në konsideratë këtë kërkesë qe është e miratuar edhe nga gjithë Shoqatave ne Diasporën e Italisë:

Sh .Kulturor shqiptarëve L’Aquila

Sh.A. ILIRIDA,Folingno

Sh. SKENDERBEG Spoleto,

Sh. LIRIA Norcia,

Sh. ONUFRI Perugia,

Sh. BESA Fabriano,

Sh. MERGIMI Roma

Shpresojmë se kërkesa jonë nuk përfundon në harresë.

---