Rama: Çdo sulm mbi Kosovën është sulm mbi Shqipërinë

Keystone (AP Photo/Franc Zhurda)

Kryeministri i Shqipërisë, Edi Rama, tha sot se çdo sulm mbi Kosovën, është sulm mbi Shqipërinë.

Rama deklaroi se Kosova nuk është vetëm, pasi sipas tij, ka Shqipërinë dhe aleatët e tjerë strategjikë.

“Shqipëria nuk është thjesht një entitet gjeografik apo një entitet shtetëror që ka lidhje speciale me Kosovën dhe çdo sulm mbi Kosovën, është sulm mbi Shqipërinë, por nga anën tjetër, të mos harrojmë asnjëherë dhe për këtë arsye duhet pasur parasysh të gjitha kur nganjëherë e kalojmë masën në raport me aleatët, se Kosova nuk është vetëm, jo thjesht se e ka Shqipërinë, po sepse ka aleatë strategjikë, që i dimë fare mirë kush janë, pa të cilin Kosova s’do të ekzistonte sot si shtet dhe me të cilët Kosova mund t’i arrijë të gjitha ato që ne të gjithë duam që Kosova t’i arrijë”, tha Rama.