Masat e reja pandemike në Kosovë

Qeveria e Kosovës në mbledhjen e mbajtur sot ka vendosur për vazhdimin e masave që kanë qenë në fuqi, duke shtuar edhe disa masa të reja.

Ministri i Shëndetësisë, Arben Vitia, në një konferencë për media tha se përkundër përmirësimit, do të vazhdohet me masat që kanë qenë në fuqi dhe disa masa të reja, raporton Albinfo.ch.

“Valë të reja do të ketë dhe numri i hospitalizimeve do të rritet. Nuk po e themi vetëm ne, por edhe shkencëtarët”, tha Vitia.

Një pjesë e masave do të vazhdojë deri më 26 shtator.

Masat:

Mësimi në institucionet publike dhe parauniversitare pezullohen deri më 26 shtator 2021;

Fëmijët në parashkollor dhe me dy prindër të punësuar, njëri prind lirohet nga puna,

Në institucionet publike dhe private deri më datë 26 punojnë vetëm me staf esencial,

Kufizimi i qarkullimit do të jetë nga 22:00 deri në 05:00,

Bibliotekat do të punojnë vetëm me 30 për qind të kapaciteteve.