Kosova

Qeveria e Kosovës u shpreh ngushëllime familjarëve të viktimave nga tërmeti në Turqi

E hënë, 6 Shkurt 2023 - 11:20 albinfo.ch

Qeveria e Kosovës u ka shprehur ngushëllime familjarëve të viktimave nga tërmeti në Turqi e Siri, përcjell albinfo.ch.

Në komunikatën e Qeverisë thuhet se mbesin me shpresë që ky numër të mos rritet më shumë, teksa të lënduarve u uroi shërim të shpejtë.

“Republika e Kosovës dhe populli i Kosovës në këto çaste të vështira janë në gatishmërinë më të lartë për mbështetje dhe solidaritet. Ambasada e Republikës së Kosovës në Ankara do të vazhdojë të marrë informatat nga autoritetet vendore në Republikën e Turqisë nëse në qytetet e goditura kemi shtetas tanë dhe t’u ofrojë mbështetjen e nevojshme”, thuhet ndër të tjera.