Integrimi
Qendrat fetare në Çikago, vatra të kulturës shqiptare
Ministri i Diasporës, Pandeli Majko, ka takuar në Çikago komunitetin shqiptar atje në Kishën Ortodokse Shqiptare “Shën Nikolla” dhe Qendrën Islamike Shqiptaro-Amerikane
Një seksion kushtuar diasporës është parashikuar të hapet në ambientet e Muzeut Historik Shqiptar. Në të do të mund të ekspozohen materialet e mbledhura nga komuniteti ortodoks, në Çikago, si dhe foto të pashfaqura të Faik Konicës.
Ministri i Diasporës, Pandeli Majko, ka takuar në Çikago komunitetin shqiptar atje në Kishën Ortodokse Shqiptare “Shën Nikolla” dhe Qendrën Islamike Shqiptaro-Amerikane. Majko theksoi se po përpiqet të nxiste rivendosjen e marrëdhënieve të ngushta që ka pasur komuniteti shqiptar me Kongresin dhe Senatin para luftës.
Gjatë bashkëbisedimit u fol dhe për ligjin e sapodekretuar për Diasporën, duke u ndalur veçanërisht te mënyra e funksionimit të Këshillit Koordinues. “Këshilli është një organizëm shumë i rëndësishëm, pasi në të njëjtën tryezë do të ulen 15 anëtarë të diasporës. Krah tyre do të jenë Kryeministri, Presidenti dhe ministrat më të rëndësishëm.
Këshilli Koordinativ do të bëhet pika e komunikimit mes institucioneve shtetërore dhe përfaqësuesve të diasporës”, ka thënë Majko, i cili shtoi se përfaqësuesit e diasporës do t’i paraqesin problemet kryesore.
Gjatë takimit u diskutua gjithashtu për shqetësime të tjera të komunitetit, si çështja e regjistrimit të shtetasve jashtë vendit, hapja e qendrave kulturore, votimi, etj.
Të tjera nga Integrimi
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte