Presidenti Thaçi pranoi kredencialet e ambasadorit të ri të Zvicrës

Ambasadori i ri i Zvicrës, Jean-Hubert Lebet, ka theksuar se do të ruhet përkushtimi i Zvicrës për Kosovën. Ai tha se Zvicra do të përkrah zhvillimin dhe dialogun në Kosovës

Presidenti i Republikës së Kosovës, Hashim Thaçi, i ka pranuar letrat kredenciale nga ambasadori i Zvicrës, Jean-Hubert Lebet. Presidenti Thaçi e ka falënderuar ambasadorin Lebet për përkrahjen e vazhdueshme të shtetit të Zvicrës për popullin e Kosovës dhe i ka uruar mirëseardhje duke i ofruar mbështetje të plotë në mandatin e tij në Kosovë.

Ai ka thënë se Kosova dhe Zvicra do të vazhdojnë bashkëpunimin e shkëlqyer ndërshtetëror dhe ndërmjet dy popujve.

Nga ana tjetër, ambasadori i ri i Zvicrës, Jean-Hubert Lebet, ka theksuar se do të ruhet përkushtimi i Zvicrës për Kosovën, edhe pse ka pasur reduktime në përkushtimet tjera.

“Do të përkrahim zhvillimin dhe dialogun”, ka thënë ambasadori Lebet.

Ambasadori Lebt ka pasur zëvendësuar ambasadoren Krystyna Marty Lang, e cila ka përfunduar mandatin në Kosovë.