Kosova
Për dy ditë në Kosovë, 17 të vdekur dhe 330 të infektuar me COVID-19
Vetëm në këtë vikend humbën jetën 17 persona
Instituti Kombëtar i Shëndetësisë Publike të Kosovës (IKSHPK) njofton se të dielën ka regjistruar nëntë të vdekur dhe 152 raste të reja me COVID-19, sëmundjen që e shkakton koronavirusi, transmeton albinfo.ch.
Me këto shifra, numri i të vdekurve në Kosovë nga koronavirusi arrin në 75.
Sipas njoftimit të IKSHPK-së, viktimat kishin edhe sëmundje të tjera shoqëruese.
Gjatë ditës së diel mediat raportuan për katër raste të vdekjeve në Qendrën Klinike Universitare. Ministria e Shëndetësisë përmes një njoftimi për media, nuk e konfirmoi numrin e të vdekurve, por i bëri thirrje publikut dhe të gjithëve “që të përmbahen nga konkludimet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve”.
Në njoftimin e IKSHPK-së po ashtu thuhet se 28 pacientë janë shëruar, duke bërë që numri i përgjithshëm i të shëruarve të arrijë në 1,902.
Sipas të dhënave të fundit, në Kosovë deri më tani janë regjistruar 3,508 raste pozitive me COVID-19. Prej tyre, 1,531 vazhdojnë të jenë raste aktive.
Qeveria e Kosovës të dielën miratoi një sërë masash me qëllim të parandalimit të koronavirusit. Ndër to është edhe rikthimi i masës së kufizimit të lëvizjes në disa qytete, ku ka më së shumti raste të infektimeve.
Këto masa të qeverisë, do të hyjnë në fuqi nga sot, 6 korrik.
E-Diaspora
-
Në Cyrih mbahet turniri i nxënësve të shkollave shqipe LAPSH për kantonin Cyrih organizoi turnirin me nxënës të shkollave shqipe, i cili u zhvillua më...
-
LDK shënon 34 vjetorin e veprimtarisë në Zvicër me tubim në Gjenevë
-
Një mbrëmje plot risi dhe frymëzim
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
Jeta në Austri
-
Kosovari ther me thikë bashkëshorten në Austri Një 37-vjeçar nga Kosova mësohet se ka sulmuar dhe e ka plagosur me thikë gruan e...
-
“Shokimet” më të mëdha kulturore që mund t’ju “godasin” pasi të shpërnguleni në Austri
-
Kombëtarja shqiptare vendoset në Grac të Austrisë
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?