Lajme
Pasuria e top 10 miliarderëve peshon mbi 1 trilion dollarë
Me blerjen e Twitter dhe shitjen e disa aksioneve të makinave elektrike Tesla, biznesmeni i njohur, Elon Musk, në fund të vitit të kaluar u përshëndet si personi më i pasur në botë.
Në listën e re të Forbes, e cila vlerëson pasurinë e miliarderëve, primatin e njeriut më të pasur në botë tani e mban francezi Bernard Arnault, me një pasuri prej 225,3 miliardë dollarësh.
Arnault kryeson gjigantin e mallrave luksoze LVMH, i cili përfshin Louis Vuitton dhe Dior, dhe është francezi i parë që kryeson renditjen botërore që kur u ngrit nga vendi i tretë vitin e kaluar.
Pasuria e Bernard Arnault ka kaluar 200 miliardë dollarë për herë të parë pasi aksionet në perandorinë e tij franceze të mallrave luksoze LVMH arritën një rekord të lartë.
Arnault është bërë personi i tretë në histori që grumbullon një pasuri të vlerësuar mbi pragun e 200 miliardë dollarëve. Elon Musk i Tesla-s dhe Jeff Bezos i Amazon-it kanë arritur më parë momentin historik përpara se pasuria e tyre të binte pasi çmimet e aksioneve të kompanive të teknologjisë ranë.
LVMH vitin e kaluar arriti shitje rekord prej 79,2 miliardë euro, me të ardhura që tejkalojnë 20 miliardë euro.
Pas njeriut më të pasur në botë, i dyti në radhë është Elon Musk, me një pasuri prej 189 miliardë dollarësh. 51-vjeçari deri më tani ka bashkëthemeluar gjashtë kompani, nga prodhuesi i makinave elektrike Tesla tek prodhuesi i raketave SpaceX, dhe gjithashtu zotëron Twitter.
Ai pasohet nga Jeff Bezos, 59 vjeç, themeluesi i gjigantit të tregtisë elektronike Amazon, i cili ka grumbulluar një pasuri me vlerë rreth 123 miliardë dollarë, me rënie drastike prej 80 miliardë eurosh për tri vjet.
Bezos dha dorëheqjen nga roli i tij si drejtor ekzekutiv i Amazon në 2021, për t’u bërë kryetar ekzekutiv.
Listës së Top 10 miliarderëve i bashkëngjitën edhe Larry Ellison i Oracle (ShBA), 78 vjeç, me pasuri prej 118,5 miliardë dollarësh, Warren Buffett i Berkshire Hathaway, 92 vjeç, me pasuri prej 110,3 miliardë dollarësh, Bill Gates i Microsoft, 67 vjeç, me pasuri prej 109,2 miliardë dollarësh, Michael Bloomberg i Bloomberg LP, 81 vjeç, me pasuri prej 94,5 miliardë dollarësh, Carlos Slim Helu i America Mobile, 83 vjeç, me pasuri prej 94,2 miliardë dollarësh, Larry Page, ndër themeluesit e Google, 50 vjeç, me pasuri prej 90,8 miliardë dollarësh dhe Francoise Bettencart Meyers, mbesa e themeluesit të L’Oreal, 69 vjeçe, me pasuri prej 89,9 miliardë dollarësh.
Nëse bëjmë përllogaritjen e pasurisë së 10 njerëzve më të pasur në botë, vlera totale arrin në 1 trilion e 244 miliardë euro.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri