Maqedonia
Partitë maqedone kundërshtojnë projektligjin për shtetësi
Partitë maqedonase VMRO-DPMNE dhe LSDM kundërshtojnë Projekt-Ligjin për Shtetësi, të propozuar nga koalicioni opozitar shqiptar, Aleanca për Shqiptarët dhe Alternativa.
Disa pjesë të ligjit nuk kanë qenë të pranueshme për LSDM-në në pushtet, ndërsa VMRO-DPMNE ka shkuar një hap më tej, duke propozuar mijëra amendamente kundër draftit për shtetësinë. Qëllimi është që përmes numrit të madh të amendamenteve të bllokohet ligji në procedurë parlamentare pafundësisht, transmeton Euronews, përcjell Albinfo.ch.
Kryetarët e partive opozitare shqiptare, Ziadin Sela dhe Afrim Gashi, paralajmëruan se tani e tutje do të përgjigjen me të njëjtën monedhë, duke bllokuar çdo ligj në Kuvend.
“Nga ky moment ne paralajmërojmë, çdo ligj që vjen në parlament, pa marrë parasysh me çfarë ka të bëjë, ne do të sillemi njëlloj me mijëra amendamente, derisa nuk hiqen amendamentet që e bllokojnë ligjin që ka të bëjë me të qenurit njeri. Ligjin i cili ka për qëllim që t’u kthejë dinjitetin këtyre njerëzve të nëpërkëmbur për 30 vite”, tha Ziadin Sela, kryetar i Aleancës për Shqiptarët
Kryetari i Alternativës , Afrim Gashi madje tha se qasja me të cilën refuzohet ligji nga dy partitë maqedonase është tejet anti-shqiptare.
“Sot ne, qoftë nga LSDM-ja, qoftë nga VMRO-ja po e shohim të njëjtin avaz. Nga njëra anë LSDM-ja nuk e pranon të tërin ligjin, ndërsa VMRO-ja me amendamente e bllokon të njëjtin ligj. Kjo ne na tregon se ka një qasje anti-shqiptare dhe tendencioze, duke e trajtuar këtë ligj si ligj që i avancon të drejtat e shqiptarëve”, u shpreh ai.
Propozim Ligji për Shtetësi synon të lehtësojë procedurat për marrjen e shtetësisë për personat që janë lindur e rritur në Maqedoninë e Veriut, por nuk kanë asnjë shtetësi. Sipas analizave të Aleancës për Shqiptarët dhe Alternativës, bëhet fjalë për mijëra qytetarë pa shtetësi, shumica prej tyre shqiptarë.
Ndërkohë, pas shumë mosmarrëveshjeve mes VMRO-DPMNE-së dhe LSDM-së, kundërshtimi i këtij ligji ishte ndër temat e rralla ku u pajtuan. Sot kryeministri Zaev gjatë një interviste për media maqedonase, i bëri thirrje VMRO-DPMNE-së që t’i bashkohen Qeverisë, siç tha ai, sipas shembullit të dy partive më të mëdha gjermane.
Të tjera nga Maqedonia
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?