Parkimi në Cyrih do të kushtojë 50 për qind më shumë

Kush do të parkojë automjetin e tij nëpër rrugët e Cyrihut duhet të paguajë tre në vend të dy frangave për një orë. SVP synon që këtë ta rregullojë me referendum.

Së shpejti parkimi do të kushtojë më shumë në parkingjet e automjeteve në Cyrih, sepse Këshilli i qytetit ka kërkuar një rritje të çmimit nga 2 në 3 franga për 1 orë. Përveç kësaj, shoferët në gjithë qytetin të shtunën në mbrëmje dhe të dielën duhet të paguajnë për parkimin e  veturave të tyre.

Gjithashtu, Këshilli i qytetit do të zgjerojë zonat tarifore në tri zona shtesë. Aktualisht kjo përfshin vetëm qytetin dhe Oerlikon, të dielat dhe për festat publike dhe në zonën e Kopshtit  Zoologjik.
Po ashtu do të kushtojë më shumë parkimi për shkak të kërkesave të mëdha edhe  në Oerlikon-Veri, Cyrih-Perëndim, shkruan “Tages-Anzeiger”.

Qyteti me këto tarifa të reja mbush arkën me rreth 6 milionë franga. Megjithatë, ata gjithashtu duhet të shpenzojnë 3 milionë franga për të shpenzuar për kontrolle shtesë.
Riprogramimi i njehsorëve të parkimit do të kushtojë rreth 250 mijë franga dhe përshtatja e sinjalizuar e rrugëve me rreth 150 mijë franga.