Nuk ka rritje të ndihmave sociale në vitin 2015

Ndihma sociale bazë edhe për vitin e ardhshëm do të vazhdojë të mbetet ajo e vjetra, 986 franga në muaj për një person

Konferenca Zvicerane e Enteve për Ndihma Sociale (Skos) ka vendosur të heqë dorë nga kërkesa për ngritjen e kuotës së kësaj ndihme. Kjo nënkupton mungesë të kërkesës për t`ia përshtatur bazën e ndihmave sociale shtrenjtimeve të pritshme për vitin 2015.

Në këtë mënyrë, ndihma sociale bazë edhe për vitin e ardhshëm do të vazhdojë të mbetet ajo e vjetra, 986 franga në muaj për një person.

Ajo duhet të ju mjaftojë shfrytëzuesve të ndihmave sociale për të mbuluar shpenzimet e jetesës së tyre.
Skos, në koordinim me drejtorët kantonale të enteve të ndihmave sociale, një herë në dy vjet ia përshtat lartësinë e kësaj ndihme shtrenjtimeve të jetesës. Në këtë veprim ajo mbështetet duke bërë krahasimin me rritjen e pensioneve të moshës (AHV/AVS) dhe atyre të invaliditetit (IV).