Lajme

Kosovë: Një polic konfirmohet i infektuar me koronavirus

E shtunë, 28 Mars 2020 - 20:00 albinfo.ch
Foto ilustrim

Një zyrtar i Policisë së Kosovës është infektuar me virusin COVID-19.

Televizionit publik ia kanë konfirmuar nga drejtoria e Shëndetësisë së Policisë.

Zyrtari policor është nga Malisheva.

Deri më tani në Kosovë janë infektuar me koronavirus 90 persona, ndërsa një 82-vjeçar ka vdekur.

Institucionet shëndetësore kanë informuar se 2 prej të infektuarve tashmë janë shëruar.

Qeveria e Kosovës ka ndarë 10 milionë euro për t’i bërë ballë virusit që është përhapur në shumicën e vendeve të botës. E ka shpallur edhe “Gjendjen e emergjencës së shëndetit publik”, ku shtetit i lejohet të përdorë secilin resurs publik e privat për ta mposhtur virusin.

Po ashtu Ambasada e Shteteve të Bashkuara të Amerikës e informoi dje Qeverinë e Kosovës për vendimin e saj të fundit nga Departamentit i Shtetit, deklaruar nga Sekretari Mike Pompeo se SHBA kanë ndarë 1.1 milion euro për luftimin e virusit COVID-19, përcjell Albinfo.ch.

 Të ngjashme

Si rekrutohet stafi infermieror nga Kosova, në Bavari

 Të tjera nga Lajme

ETH Cyrih mbetet në mesin e 10 universiteteve më të mira në botë për të 12-in vit radhazi

 E-Diaspora

 Jeta në Austri