Një lloj i ri turizmi në Shqipëri, që duhet ta provoni patjetër

Një lloj i ri turizmi në Shqipëri, që me siguri edhe ju do të doni ta provoni të paktën një herë

Albert Kaleci është fituesi i këtij viti i “Start Up Now”. Ideja e tij e biznesit triumfoi mes ideve të tjera, po ashtu shumë interesante dhe u përzgjodh nga një juri e përbërë nga disa prej sipërmarrësve më të suksesshëm në Shqipëri. Alberti fitoi çmimin e parë prej 100,000 lekësh të reja, që do ta ndihmojnë për të nisur biznesin e tij. Ai është vetëm 27 vjeç dhe është mësues shkence i specializuar në lëndën Matematikë-Fizikë, si dhe udhërrëfyes në fushën e turizmit natyror. Në një intervistë për “Business Magazine”, Alberti është shprehur se ideja e biznesit lindi nga pasioni i tij për të eksploruar natyrën dhe fenomenet astronomike, e cila më vonë u kthye në një ide inovative dhe unike rreth astro-turizmit në Shqipëri, transmeton “classlifestyle.com”.

https://www.instagram.com/p/BqVUuwgnv46/?utm_source=ig_embed

Për të gjithë ata që nuk e dinë astro-turizmi është lloji i turizmit që ka të bëjë me vështrimin e yjeve. Të shumtë janë njerëzit që i adhurojnë yjet dhe trupat qiellorë dhe udhëtojnë vazhdimisht nëpër vende që ofrojnë një pamje spektakolare të tyre apo të eklipseve diellore, përcjell albinfo.ch.

Alberti i ka idetë të qarta dhe thekson se agjensia e tij, “AstroTourism Albania” do të jetë unike për nga lloji i saj, në të gjithë Ballkanin, që do të ofrojë ture astronomike, të cilat konsistojnë në vështrimin e yjeve dhe do të jetë një risi në fushën e turizmit në Shqipëri.

https://www.instagram.com/p/BqZlNgUnNnF/?utm_source=ig_embed

Edhe vizionin për 5-10 vitet e ardhshme e ka të qartë dhe shprehet se i imagjinon astro-turet të shpërndara në të gjithë Shqipërinë dhe në rajon.

Po ashtu, në planet e tij përfshihet ndërtimi i një observatori astronomik multifunksional, punësimi i 15 personave profesionistë, hapje kursesh për studentë nga universitetet e vendit dhe rajonit. Një lloj i ri turizmi në Shqipëri, që me siguri edhe ju do të doni ta provoni të paktën një herë!

---