Një aleancë për mbrojtjen e të dielës si ditë pushimi

Në rast nevoje, aleanca shqyrton edhe referendumin kundër detyrimit për të punuar të dielave edhe në shitoret e pompave të benzinë

Një numër sindikatash, kishash, organizatash të grave dhe partish të majta kanë ngritur një “aleancë të të dielës”. Kjo aleancë i ka vënë qëllim vetes që të mbrojë të drejtën e pakontestueshme që e diela të jetë një ditë pushimi për të gjithë.

Para së gjithash kjo aleancë ka parasysh me këtë rast sektorin e shitjes me pakicë, dhe fleksibilizimin e orareve të punës në postë, telekomunikacion dhe në shitjen e librave.

Në rast nevoje, aleanca merr në konsideratë edhe referendumin kundër detyrimit për të punuar të dielave edhe në shitoret e pompave të benzinës.

Nga ana tjetër, Dhoma Nacionale e Parlamentit të Zvicrës pati miratuar një ndryshim të ligjit të punës, sipas të cilit shitoret e pompave të benzinës nëpër autostrada dhe rrugë të rendit të parë kanë të drejtë të qëndrojnë të hapura gjatë 24 orëve. Tashti, fjalën përfundimtare rreth kësaj e ka Dhoma e Kantoneve.