“Nga lufta në Kosovë drejt Amerikës”

Këngëtarja kosovare, Linda Halimi ka rrëfyer për luftën në Kosovë, por edhe humbjen e peshës dhe ëndrrën e saj amerikane

Këngëtarja Linda Halimi në një intervistë për revistën amerikane “The People” ka rrëfyer për luftën në Kosovë dhe udhëtimin e saj në Amerikë, por edhe si ka humbur peshë, duke qenë shembull edhe për të tjerët të cilët duan ta bëjnë këtë gjë, përcjell albinfo.ch.

“Ne kurrë nuk e dinim se kur do të shkonim herën tjetër për të ngrënë. Ishte ndjenjë e keqe, duke mos qenë në gjendje për të ngrënë. Pra, kur lufta mbaroi, unë fillova të konsumoja pa masë”, ka treguar këngëtarja për ‘The People”.

Ajo filloi të hajë pica, karamele dhe pothuajse një Nutella. Kur ishte ndër 17 dhe 20 vjet kishte përjetuar ‘tmerrin’. “Këto tre deri në katër vjet të jetës sime ishin të mjerueshme. Sinqerisht, unë kam qenë në rregull me peshën time, por ajo u shndërrua në çështjet e shëndetit. Unë nuk merrja frymë lehtë. Çdo herë që unë do të shkoja në klasë, njerëzit më thonin, “Oh shikoni, elefanti i madh është këtu”, shtoi tutje ajo,

“Një grua në autobus më ofroi”, rrëfen Halimi. Atëherë ajo ishte vetëm 18-vjeçe, por zonja kishte menduar se ajo ishte shtatzënë.

Lindita tashmë ka humbur sasi të konsiderueshme të peshës kur ajo u shpërngulë në Shtetet e Bashkuara në vitin 2013 dhe ishte pjesë e audicioneve të “American Idol”, ku u rendit tek 25 më të mirët, por pa shkuar në netët finale.

“Kjo më ka inspiruar mua për të vazhduar që të punoj drejt të qenit një këngëtare”, thotë Halimi, e cila aktualisht jeton në Atlanta me bashkëshortin e saj prej tre vjetësh. “Qëllimi im kryesor është që të marrë një Grammy”. Pos tjerash, ndalesa e saj e ardhshme, është përfaqësimi i Shqipërisë në Eurovizion në muaj maj.