Koronavirusi: çast pas çasti
Nga 1 gushti: Edhe Franca me teste në aeroporte
Testi i detyrueshëm aplikohet nga data 1 gusht, dhe do të kryhet edhe në portet franceze
Franca ka vendosur duke filluar nga kjo fundjavë të bëjë testimin e koronavirusit të detyrueshëm për të gjithë personat që vijnë nga 16 vende, kur rastet e Covid-19 po rriten, përfshirë edhe Shtetet e Bashkuara, Indinë, Brazilin dhe Afrikën e Jugut.
Kryeministri francez Jean Castex njoftoi se vendi po shtrëngon kontrollet e kufijve për të ndaluar një valë të re të virusit.
Testimi do të kryhet në aeroport ose udhëtarët duhet të kenë bërë testimin brenda 72 orëve nga dita e udhëtimit, transmeton Monitor.
Vendet që do t’i nënshtrohen testimeve para hyrjes në Francë janë ato që konsiderohen si me rrezik të lartë, të cilat i përkasin listës “të kuqe” për qarkullimin e koronavirusit, përcjell albinfo.ch.
Në listë përfshihen: Shtetet e Bashkuara, Emiratet e Bashkuara Arabe, Bahreini, Panamaja, Afrika e Jugut, Kuvajti, Katari, Izraeli, Brazili, Peruja, Serbia, Algjeria, Turqia, Madagaskari, India dhe Omani. Listës mund ti shtohet edhe Maroku.
“Testet do të jenë për shtetasit francezë që jetojnë në këto vende ose shtetasit e këtyre vendeve që jetojnë në Francë,” theksoi Castex gjatë vizitës së tij në aeroportin Charles de Gaulle.
Testi i detyrueshëm aplikohet nga data 1 gusht, dhe do të kryhet edhe në portet franceze.
Personat që vijnë nga BE, Mbretëria e Bashkuar, vendet e zonës Shengen ose 12 vendet që janë aktualisht janë në listën e sigurt të BE-së nuk do t’u kërkohet testimi para se të hyjnë në Francë.
Muajin e kaluar, Franca hoqi kufizimet për udhëtimet jo thelbësore në Francë për qytetarët e Bashkimit Evropian dhe vendet e zonës Shengen.
Për shkak të situatës aktuale të koronavirusit, një pjesë e madhe e vendeve kanë vendosur të imponojnë testin e Covid-19 ose të rikthejnë karantinën e detyrueshme për të luftuar përhapjen e koronavirusit.
Të ngjashme
Të tjera nga Koronavirusi: çast pas çasti
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?