Lajme

Zvicër: Shtohen tri linja të prodhimit të vaksinës “Moderna”

Zvicra rrit kapacitetet e prodhimit të vaksinës “Moderna”

Vaksina Moderna kundër Covid-19 ishte një nga vaksinat e para në dispozicion në botë. Të gjitha dozat që furnizojnë Evropën prodhohen nga një kompani zvicerane, Lonza, transmeton albinfo.ch.

Firma zvicerane biotech “Lonza” do të shtojë tri linja të tjera prodhuese në vendin e saj në Visp, Zvicrën jugperëndimore, për të prodhuar një përbërës aktiv për vaksinën Moderna, si pjesë e një përpjekjeje më të madhe për të rritur furnizimin global me doza, duke përfshirë shumicëën e vendeve botërore, trasmeton tutje albinfo.ch.

Vlen të theksohet se “Lonza” është firma e njohur ndërkombëtarisht për ekspertizën e saj kimike dhe farmaceutike, duke përfshirë prodhimin e barnave për trajtimin e leukemisë. Në maj 2020 “Moderna” hyri në një partneritet dhjetëvjeçar me “Lonza”.

“Lonza është një nga kompanitë kryesore botërore në zhvillimin dhe prodhimin e vaksinave. Kjo kompani zvicerane kombinon inovacionin teknologjik, prodhimin global dhe përsosmërinë, kështu që ishte një partner ideal për tregun tonë”, thotë Staner. /Albinfo.ch