Në Zvicër nuk ka korrupsion!

94 për qind të menaxherëve të lartë konsiderojnë se korrupsioni në Zvicër nuk është fare temë që preokupon

Një përfundim të tillë e ka nxjerrë një sondazh i bërë nga ndërmarrja konsulente dhe e auditimit Ernst&Young. Sipas sondazhit del se 94 për qind të menaxherëve të lartë konsiderojnë se korrupsioni, mitoja dhe mashtrimi në Zvicër nuk janë fare tema preokupuese.

Për këtë sondazh janë pyetur 1700 top menaxherë nga 40 vende të botës, të cilët mbikëqyrin përmbajtjen rregullave brenda koncerneve.

Ndërkohë që korrupsioni në Zvicër pothuaj as nuk përceptohet si temë, në botë 4 nga 10 menaxherë janë të mendimit se në vendet e tyre korrupsioni është i përhapur me të madhe.