Tematike
Në këto kantone ju kushton më së liri pasaporta zvicerane
Në kantonin Appenzell (aty ku dhe çmimi është më i ulëti), në listën e kërkesave për pasaportën zvicerane kryesojnë shtetasit e Kosovës, Maqedonisë dhe të Serbisë
Për të fituar shtetësinë zvicerane nuk është njësoj në cili kanton jeton. Çmimet e taksave që duhen paguar për “t`u bërë zviceran” kanë dallime të mëdha, në varësi nga kantoni dhe komuna. Një hulumtim që e ka realizuar shërbimi krahasues “Comparis” në të 26 kantonet e Zvicrës, ka ardhur në këtë përfundim, shkruajnë sot të gjitha mediet zvicerane.
Për t`u bërë shtetas zviceran në të vërtetë duhet të kalosh tri shkallë, pasi që e drejta e shtetësisë jepet në nivel nacional, kantonal dhe në atë komunal, transmeton albinfo.ch. Më së liri kushton pagesa për nivelin nacional, vetëm 100 franga.
Ndërsa kur jemi te kantonet dhe komunat, më së miri kalojnë ata që duan të natyralizohen në Kantonin Vaud, respektivisht në qytetin Lozanë. Pagesa për të dy nivelet këtu bën së bashku, 800 franga.
Ndërkaq, në anën e kundërt të listës, me taksat më të shtrenjta për natyralizim, më së larti qëndron kantoni dhe qyteti Schwyz. Kush e do pasaportën zvicerane në Schwyz duhet të paguajë plot 3600 franga, përcjell albinfo.ch. Nga këto, 3000 franga kushton taksa për nivelin komunal, 500 franga për atë kantonal dhe 100 franga si në gjithë Zvicrën, për nivelin nacional.
Edhe në Solothurn (qyteti dhe kantoni me të njëjtin emër), me 3100 franga dhe në Liestal (Kantoni Baselland) 3150 franga, pagesa për pasaportën zvicerane është mjaft e lartë.
Në mes të këtyre dy ekstremeve, me çmime relativisht të lira dallohen kantonet respektivisht qytetet si Appenzell, 1100 franga, Delemont (Jura) 1250 franga dhe Bellinzona (Tiçino) 1350 franga.
Në përgjithësi, në zonën frankofone dhe atë italofone të Zvicrës, taksat e natyralizimit janë më të ulëta se në zonën gjermane.
Problemi më i madh në këtë mes është mungesa e tarifave fikse, thonë njohësit e materjes. Sipas autoriteteve, çmimi i taksës varet nga angazhimi që kërkohet për ta rrumbullakësuar procedurën e natyralizimit në rastin konkret. Në disa komuna ose kantone, për shembull, në çmim llogaritet edhe një kurs special për natyralizim.
Sipas hulumtimit, më të interesuarit për natyralizim janë, marrë në nivel të Zvicrës, pjesëtarët e komuniteteve më të mëdha të huaja, gjegjësisht gjermanët dhe italianët. Ndërsa në kantonin Appenzell (aty ku dhe çmimi është më i ulëti), në listën e kërkesave për pasaportën zvicerane kryesojnë shtetasit e Kosovës, Maqedonisë dhe të Serbisë.
E-Diaspora
-
Njoftim për diasporën: Vetëm edhe 10 ditë për regjistrimin e popullsisë, ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri