Në Gjermani protestohet kundër kufizimeve në pandemi

Mijëra qytetarë protestuan të shtunën në disa qytete gjermane kundër kufizimeve të vendosura kundër përhapjes së koronavirusit, shkruan albinfo.ch.

Një nga protestat më të mëdha në Gjermani u mbajt në Shtuttgart, ndërsa tubimet në Berlin, Mynih dhe Frankfurt ishin pak më të vogla.

Në Stuttgart, disa mijëra njerëz po shëtisnin përgjatë brigjeve të lumit Neckar, por policia tha se janë respektuar masat epidemiologjike, me gjithë numrin e madh të pjesëmarrësve.

Në sheshin qendror Marienplatz të Mynihut, rreth 3000 njerëz protestuan kundër rregullave kufizuese.

Policia nuk ka dhënë një vlerësim për numrin e protestuesve, por autoritetet pohojnë se numri maksimal i tyre ka qenë mbi 10 mijë.

Të shtunën në Berlin policia ka arrestuar 30 persona për shkak se nuk respektuar rregullat për distancë sociale, duke protestuar kundër kufirzimeve kundër virusit Covid 19.

Disa kilometra më larg, qindra njerëz u mblodhën në Alexanderplatz në një tubim që nuk ishte paralajmëruar më parë. Takimet deri në 50 persona aktualisht lejohen në Berlin.

---