Në aeroplan, me gjashtë kafka të vdekurish!

Të rinjtë amerikanë dëshironin që kafkat t`i përdornin në festën amerikane Halloween dhe kishin paguar nga 25 euro për secilën

Në Aeroportin e Athinës policia ka zbuluar në bagazhin e dy amerikanëve “suveniret” më makabre që mund të mendohen. Gjashtë kafka njerëzish të vdekur kishin me vete turistët e rinj, 25 respektivisht 28 vjeçarë.

Ata janë arrestuar dhe janë sjellë para gjyqit ku është dashur të përgjigjeshin për fyerje të të vdekurve. Por gjyqi i ka shpallur ata të lirë, shkruajnë mediet greke dhe transmeton Süddeutsche Zeitung.

Turistët kanë deklaruar se kafkat i kanë blerë në një shitore ekskluzive në ujdhesën Mykonos. Kjo ujdhesë e “të bukurve dhe të pasurve” është e njohur për festat dhe orgjitë e jashtëzakonshme që bëhen në të.

Të rinjtë amerikanë dëshironin që kafkat t`i përdornin në festën amerikane Halloween dhe kishin paguar nga 25 euro për secilën.

Tash policia po e heton shitësin e kafkave.