Lajme
Ndeshje reviale: Kosova e Cyrihut – Ferronikeli i Drenasit
FC Kosova nga Cyrihu do të përballet të martën në Drenas me kampionin e Kosovës në futboll, KF Ferronikelin
Djelmoshat e një ekipi të futbollit që përfaqëson FC Kosovën në Cyrih kanë rënë në sy të dielën në aeroportin e Cyrihut.
Skuadra kosovare në Cyrih po udhëtonte për në Prishtinë për t’u përballur të martën me kampionin e Kosovës, Ferronikelin, në kuadër të një organizimi që kishin bërë Ministria e Diasporës dhe Federata e Futbollit të Kosovës.
Një fitore në ndeshjen që do të zhvillohet të martën, më 17.11.2015, duke filluar nga ora 13:00, në stadiumin e KF Ferronikelit në Drenas, do të ishte befasi për trajnerin e FC Kosovës, Enver Osmani.
„Niveli ku ne garojmë dhe niveli ku garon Ferronikeli është i ndryshëm. Ferronikeli luan në superligën kosovare dhe është ekip jashtëzakonisht i mirë dhe figuron të jetë në krye të tabelës, dhe është kampion aktual i Kosovës“, deklarohet për albinfo.ch para nisjes për në Prishtinë trajneri Osmani.
Ekipi i FC Kosovës nga Cyrihu megjithatë synon fitore në Drenas.
„Tashmë i kemi të gjitha informacionet se si luan Ferronikeli dhe me gjithë forcat tona do të bëjmë të pamundurën të bëjmë një befasi në Kosovë“, tha Osmani.
Gjithsesi do të jetë një ndeshje vëllazërore, ngase ishin mjaft të emocionuar djelmoshat e FC Kosovës se do të luajnë në vendin e tyre.
Kapiteni i FC Kosovës, Nusret Limani, i cili ishte lënduar në ndeshjen e fundit, ku edhe kishin pësuar humbje, thotë të jenë përgatitur mirë në përballjen e së martës me Ferronikelin.
„Besoj që do të sjellim një lojë të mirë. Skuadra më e mirë le të fitojë“, thotë ai duke shpresuar një rezultat të favorshëm për ekipin mysafir nga Zvicra.
Mikel Llazeri, një futbollist tjetër i FC Kosovës, thotë se po shkojnë në Kosovë mjaft të motivuar, ndërsa sa i përket lojës, thotë se do të krahasohen me nivelin e Ferronikelit.
„Ani pse janë favorit në Kosovë, ne do t’i sjellim vështirësi për fitore. Një barazim do të ishte ideal“, thotë ai për albinfo.ch.
Jusuf Shala, golashënuesi më i mirë i FC Kosova, është shprehur më optimist për takimin me kampionin e Kosovës.
„Ne, në fakt, po gëzohemi që po shkojmë në Kosovë, ngase fillimisht do të sjellim për shikuesit një atmosferë shumë të mirë futbolli dhe mendoj se do të jetë me të vërtetë festë“, thotë Shala.
Kështu që, në aeroportin e Prishtinës për futbollistët e skuadrës kosovare nga Cyrihu ishte organizuar një pritje madhështore. Mysafirët nga Zvicra bashkë me tifozët e mledhur ia hodhën valles para aeroportit të Prishtinës.
Këtë vit Ministria e Diasporës e Kosovës organizoi kupën e diasporës në futboll, fituesi i kësaj kupe doli të jetë FC Kosova nga Zyrichu.
Ndeshja reviale Fc Kosova në Cyrih – Fc Ferronikeli nga Drenasi do të zhvillohet të marten, më 17.11.2015, duke filluar nga ora 13:00, në stadiumin e KF Ferronikelit në Drenas.
Të gjithë dashamirët e futbollit mund të përcjellin edhe një ndeshje interesante futbolli pas asaj në Prishtinë ndërmjet Kosovës dhe Shqipërisë.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?