Kosova
Nderohet humanisti Halil Kastrati me dekoratën “Gjergj Kastrioti -Skënderbeu”
Kryeministri i Republikës së Kosovës, Ramush Haradinaj, ka pritur në takim Halil Kastratin, themeluesin e shoqatës bamirëse “Jetimat e Ballkanit”.
Në një njoftim për media nga zyra e kryeministrit, thuhet se kryeministri Haradinaj shprehu respektin për punën e Kastratit dhe gjithë organizatës që ai drejton në shërbim të familjeve dhe njerëzve në nevojë.
“Qeveria e Kosovës është duke punuar në vazhdimësi që qytetarëve të vendit t’u ofrojë një jetë të dinjitetshme, megjithatë gatishmëria e njerëzve të vullnetit të mirë dhe puna humanitare sikurse e z. Kastrati është gjithmonë e mirëseardhur”, tha kryeministri Haradinaj, duke vlerësuar angazhimin dhe humanitetin e tij për t’iu dalë në ndihmë familjeve dhe njerëzve në nevojë.
Kryeministri Haradinaj, po ashtu shprehu gatishmërinë e Qeverisë së vendit për mbështetjen në projektet e kësaj organizate, me theks të veçantë mbështetjen për ndërtimin e një jetimoreje për fëmijët e braktisur.
Me këtë rast, kryeministri Haradinaj në emër të Qeverisë së Kosovës, në shenjë falënderimi për punën e madhe humanitare, si një vlerë komplementare, ka nderuar me dekoratën e Kryeheroit Gjergj Kastrioti Skënderbeu humanistin dhe themeluesin e shoqatës bamirëse “Jetimat e Ballkanit”, Halil Kastrati.
Ndërkaq, Halil Kastrati u shpreh mirënjohës për pritjen dhe dekoratën e dhënë nga kryeministri Haradinaj, për të cilën tha se ia dedikon të gjithë shqiptarëve të vullnetit të mirë, të cilat janë kontribuesit kryesorë dhe i vetmi burim i financimit të shoqatës, si brenda, ashtu edhe jashtë Kosovës.
Të ngjashme
Të tjera nga Kosova
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj