Pse iu refuzua shtetësia gjermane një mjeku mysliman?

Ai refuzoi t'i jepte dorën një zyrtareje gjermane. Dhënia e dorës të tjerëve ka rrënjë të thella dhe përbën bazën e bashkëjetesës në Gjermani, prandaj sipas gjyqtarëve, kush nuk u jep dorën grave, nuk mund të marrë nënshtetësinë gjermane.

Një mjekut mysliman i është mohuar shtetësia gjermane pasi refuzoi t’ia jepte dorën një gruaje, kur ajo ia dorëzoi certifikatën e saj, përcjell albinfo.ch.

Mjeku 40-vjeçar me prejardhje nga Libani ishte gati të bëhej shtetas gjerman pasi jetoi në vend për plot 13 vjet. Ai përfundoi studimet e tij në mjekësi, derisa mori notën më të lartë të mundshme në testin për shtetësinë gjermane. Mirëpo ai dështoi në ‘provën’ e fundit, pasi refuzoi të shtrëngojë dorën e një zyrtareje femër në ceremoni gjatë vitit 2015, duke bërë autoritetet shtetërore t’ia mohojnë atij shtetësinë.

Ky është vendimi i Gjykatës Administrative të landit Baden-Württemberg në Mannheim. Fjala është për një libanez 40-vjeçar, i cili jeton në Gjermani që nga viti 2002. Ai ka studiuar mjekësi në Gjermani dhe punon ndërkohë si mjek specialisit në një klinikë, shkruan DW.

Në vitin 2012 ai e dha provimin për marrjen e nënshtetësisë, por në vitin 2015 refuzoi t’i jepte dorën nëpunëses që donte t’i jepte certifikatën e nënshtetësisë.

Premtim bashkëshortes apo mendësi fundamentaliste

Ai pretendoi se i kishte premtuar së shoqes – një myslimaneje me nënshtetësi gjermane dhe origjinë siriane – që të mos i jepte kurrë dorën ndonjë gruaje tjetër, por zyra përkatëse ia refuzoi marrjen e nënshtetësisë.

Libanezi shkoi në gjyq dhe gjykata argumentoi se ai nuk pranon t’i japë dorën një gruaje “si rezultat i një konceptimi fundamentalist të kulturës dhe të vlerave” dhe nuk pranon që t’i përshtatet mënyrës së jetesës në Gjermani. Dhënia e dorës të tjerëve ka “rrënjë të thella dhe përbën bazën e bashkëjetesës” mes njerëzve në Gjermani, argumentoi trupi gjykues.

 

 

 

 

---