Ministria e Jashtme gjermane këshillon të mos udhëtohet në Rusi

Keystone - @acalmelor

Të dielën në mbrëmje, Ministria e Jashtme gjermane përditësoi informacionin e saj të udhëtimit për të këshilluar kundër udhëtimit në Federatën Ruse dhe ka paralajmëruar kundër qëndrimit në jug të vendit dhe në zonën kufitare me Ukrainën, shkruan thelocal.de, përcjell albinfo.ch.

Në përgjigje të sulmit rus në Ukrainë, Gjermania gjithashtu ka mbyllur hapësirën e saj ajrore për avionët rusë. Ndalimi ka hyrë në fuqi që nga e diela pasdite për fluturimet drejt Gjermanisë dhe trafiku ajror midis Rusisë dhe vendeve evropiane është i kufizuar, për shkak të mbylljes dypalëshe të hapësirës ajrore dhe pezullimit të operacioneve të fluturimeve nga linjat ajrore. Brenda Rusisë, përdorimi i kartave të kreditit joruse aktualisht është i mundur vetëm në një masë të kufizuar.

Një paralajmërim udhëtimi është gjithashtu në fuqi për Bjellorusinë. Sipas Ministrisë së Jashtme gjermane, pikat kufitare me Ukrainën janë mbyllur, ashtu si dhe pika kufitare Kuznica-Bruzgi midis Bjellorusisë dhe Polonisë dhe mbyllje të mëtejshme mund të pasojnë. Janë paralajmëruar edhe masa shtesë kontrolli në pikat kufitare me Lituaninë, Poloninë dhe Letoninë, përcjell tutje albinfo.ch.