Lajme
Mijëra gra zvicerane, në grevë për barazi
Me grevën feministe, gratë e Zvicrës duan të tërheqin vëmendjen ndaj pabarazive në paga etj. dhe të promovojnë ndryshimin
Një numër i madh njerëzish kanë protestuar për barazi të grave në grevën feministe, që është mbajtur sot, e mërkurë, në shumë qytete të Zvicrës, transmeton albinfo.ch. Ndër tubimet më të mëdha ishte sigurisht ai në Bernë, ku kanë marrë pjesë deputete të vendit, si Tamara Funiciello etj.
Çështjet kryesore që ka ngritur greva janë të qarta: gratë ende marrin paga më të ulëta dhe pensione më të ulëta se burrat, raporton srf.ch. Përveç kësaj, ato shpesh ballafaqohen me diskriminim dhe ngacmim.
Me grevën feministe, gratë e Zvicrës duan të tërheqin vëmendjen ndaj këtyre pabarazive dhe të promovojnë ndryshimin.
“Duhet të bëjmë grevë! Kjo sepse Kushtetuta federale ka 40 vjet që thotë se ne gratë kemi të njëjtat detyra dhe të drejta si burrat, por fatkeqësisht ende nuk funksionon”, thotë Fumicielo, nga PS.
Ndërsa në Cyrih, pastrueset që pastrojnë hotelet luksoze kanë marshuar nga hoteli në hotel në mëngjes dhe pasdite, duke protestuar kundër pagave të ulëta si dhe presionit dhe stresit që duhet të durojnë në punë. Këtë e ka bërë të ditur sindikata Unia.
Rreth 15 manifestime dhe mitingje ishin planifikuar për grevën e grave në Bazel. Dita e grevës në Bazel u hap në orën 10:45 me një demonstrim të infermiereve që përfshinte karroca, karrige me rrota dhe këmbësorë në Theaterplatz.
Sipas komitetit organizativ, një nga kërkesat është rishpërndarja e “kohës, fuqisë dhe parave në mënyrë që të gjithë të kenë qasje të barabartë në një jetë të mirë”, transmeton albinfo.ch. Pika kryesore e grevës së grave në Bazel është demonstrata në Theaterplatz, e cila ka filluar në orën 17:30.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
-
Nesër është dita e fundit e regjistrimit të diasporës
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?