Michael Haneke fitoi Palmën e Artë

Palma e Artë e Festivalit të 65-të të Kanës iu dha të dielën Michael Haneke, për filmin austriak që trajton një histori për dashurinë dhe burrin e dashur që e shoqëron gruan e tij që shkon deri në vdekje.

Presidenti i Jurisë, Nanni Moretti, dorëzoi çmimin më të lartë të festivalit duke theksuar “kontributin themelor” të dy aktorëve kryesorë, Jean-Louis Trintignant, 81 vjeç dhe Emmanuelle Riva, 85 vjeç, të cilët arritën në skenë me regjisorin austriak, Michael Haneke, nën duartrokitjet e ngrohta të publikut. Për të dytën herë Michael Haneke fitoi Palmën e Artë në Festivalin e 65 të Filmit në Kanë, me filmin e tij “Amour”, në të cilin trajton temën e dashurisë dhe vdekjes.

Ndërsa çmimi i dytë i ashtuquajtur “Grand Prix (Çmimi i Madh) i takoi filmit “Reality”, të realizuar nga Matteo Garroens. Një komedi e hidhur që përshkruan rrugën e një individi të dëshpëruar, i cili është kandidat në lojërat TV-realitet. Regjisori Garroens pati fituar në vitin 2008 këtë çmim për filmin e tij të prekshëm “Gomorra”.

Çmimi i tretë “ Prix du Jury” iu dorëzuar regjisorit të famshëm, Ken Loach, për filmin e tij “The Angels’ Share”.