Më shumë azilkërkues në Zvicër

Në Zvicër prej korrikut deri në shtator 2014 janë regjistruar një total prej 7825 kërkesash për azil

Bëhet fjalë  për rreth 45% më shumë se në tremujorin e dytë të vitit 2014 (5384). Arsyeja për këtë rritje në tremujorin e tretë të vitit 2014 ishte numri i vazhdueshëm në rritje i emigrantëve që kanë ardhur nga deti në jug të Italisë dhe më pas kanë emigruar më në veri.

Deri në fund të shtatorit më shumë se 140 mijë emigrantë erdhën nga deti, kryesisht nga Libia, e që stacion të fundit kishin Italinë e Jugut. Pothuajse gjysma e tyre ishin njerëz nga Eritreja dhe Siria.

Gjatë vitit 2013 rreth 43 000 persona zbarkuan në Italinë e Jugut.

Vendet kryesore të origjinës në tremujorin e tretë të vitit 2014 ishin Eritreja (3531 kërkesa), Siria (816 kërkesa) dhe Shri-Lanka (369 kërkesa). Krahasuar me tremujorin e dytë të vitit 2014 kërkesat janë dyfishuar nga Eritreja (1853 kërkesa), ndërsa nga Siria kanë shënuar  rënie (-239 kërkesa), kurse nga Shri-Lanka kishte një rritje (155 kërkesa).

6329 kërkesa janë proceduar në mes të korrikut dhe shtatorit në shkallë të parë, 286, ose rreth 4% më pak se në tremujorin e kaluar.  Në fund të shtatorit raportohet për 17.710 kërkesa për azil që janë në pritje të shkallës të parë, 1.818 kërkesa (11%) më shumë se në tremujorin e dytë.

Në tremujorin e tretë të këtij viti 2040 persona nga Zvicra janë larguar nga vendi,  rreth 12% më pak se në tremujorin e dytë të vitit 2014 (2320).  500 prej tyre u janë dorëzuar shteteve në bazë të marrëveshjes së Dublinit