Mbi 32 mijë raste pozitive, gjatë 24 orëve në Gjermani

Keystone EPA/RONALD WITTEK

Referuar statistikave, në 24 orët e fundit në Gjermani kanë vdekur 802 persona si pasojë e COVID-19, duke çuar shifrën totale të vdekurve në 28.770, transmeton albinfo.ch.

Bazuar në të dhënat e Institutit Robert Koch (RKI) për sëmundje infektive, në 24 orët e fundit kanë rezultuar pozitivë me koronavirus 32.195 pacientë, ndërsa shifra totale e të infektuarve ka arritur në 1.587.115.

Duhet theksuar se të mërkurën Gjermania regjistroi rekord të rasteve të vdekjes nga COVID-19 brenda një dite. U regjistruan 962 raste të vdekjes.

Nga ana tjetër, të mërkurën numri i të infektuarve të rinj ishte më i ulët, 27.968, në krahasim me 24 orët e fundit.

Nga RKI-ja gjatë javës është thënë se varianti i ri i koronavirusit, që është zbuluar në Britani së fundi, ekziston me gjasë edhe në Gjermani. /Albinfo.ch