Marshon me arkivol në krah, për lirinë e Tibetit

Përmes këtij marshimi ai ka përkujtuar 42 tibetas të cilët gjatë dy viteve të fundit kanë djegur veten në shenjë proteste

Tibetasi Loten Namling pas një marshimi të gjatë ka arritur dje në Gjenevë, për ku ishte nisur nga Berna në mesin e muajit maj. E veçanta e këtij marshimi qëndron në faktin se Namling bartte me vete një arkivol ndërsa me këtë aksion ai ka pasur për qëllim të tërhiqte vëmendjen mbi gjendjen e rëndë të popullit të Tibetit nën sundimin kinez.

Në arkivolin e tij të zi, Namling kishte shkruar “Free Tibet”. Ai ka thënë se po bartte dy kumte: Liri për Tibetin dhe kulturën e tij si dhe kthimin e Dalay Lamës nga ekzili. Sipas tij, OKB-ja nuk po ndërmerr asgje kundër mbajtjes nën pshtim të Tibetit nga Kina.

Përmes këtij marshimi ai ka përkujtuar 42 tibetas të cilët gjatë dy viteve të fundit kanë djegur veten në shenjë proteste.

Në arkivolin e tij, Namling po bartte rrobat, ushqimin, një shator dhe një instrument muzikor tibetas. Pas mbërritjes në Gjenevë të marshuesit, i cili jeton prej 22 vitesh në Zvicër, është mbajtur një koncert në të cilin kanë marrë pjesë një numër grupesh muzikore.