Maqedonia
Maqedoni: Pas 20 vitesh hiqet nga qarkullimi libri ku fyheshin shqiptarët
Ministria e Arsimit formoi një komision për shqyrtimin e përmbajtjes së këtij libri, i cili mori edhe vendimin final që libri i gjeografisë menjëherë të tërhiqet nga përdorimi
Pas gati 20 viteve, tërhiqet nga përdorimi libri i Gjeografisë për vitin e dytë gjimnaz në Maqedoninë e Veriut. Ky libër përmbante tekste fyese dhe të pavërteta për shqiptarët, duke i quajtur ata me prejardhje rome, turke e çerkeze, ndërsa Shqipërinë si pushtuese të Maqedonisë së Veriut.
Libri doli në qarkullim që nga viti 2002, ndërsa ishte ripublikuar disa herë nga Ministria e Arsimit, transmeton Euronews, përcjell Albinfo.ch.
Pas reagimit të medieve, shoqërisë civile e partive opozitare shqiptare, çështja e ofendimeve në librin e gjeografisë u bë sërish temë në shkurt të këtij viti.
Ministria e Arsimit formoi një komision për shqyrtimin e përmbajtjes së këtij libri, i cili mori edhe vendimin final që libri i gjeografisë menjëherë të tërhiqet nga përdorimi.
Tani për tani nuk dihet nëse autorët, por edhe autorizuesit e këtij libri do të përballen me përgjegjësi ligjore për të pavërtetat dhe gjuhën ofenduese në këtë tekst shkollor.
Nga ana tjetër, tërheqja e librit të gjeografisë nuk e zgjidh plotësisht problemin me tekste shkollore me fakte të shtrembëruara e gjuhë të urrejtjes. Një sërë librash tjerë përmbajnë ofendime të ngjashme ndaj shqiptarëve.
Për librat shkollore në Maqedoninë e Veriut kanë reaguar edhe Greqia dhe Bullgaria, të cilat detyruan Qeverinë në Shkup që me komisione të përbashkëta të pastrojnë gjuhën e urrejtjes nga tekstet shkollore. Deri tani nuk ka pasur reagim të ngjashëm nga Tirana zyrtare.
Të tjera nga Maqedonia
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Austri
-
Si mund t’i zgjidhë Vjena “problemet e saj të imigracionit”? Kryeqyteti austriak përballet me sfida të një fluksi të lartë emigrantësh, kryesisht njerëz që vijnë përmes...
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen
-
Kaleen performoi në skenën e Malmos, duke përfaqësuar Austrinë