Mandl: Kosova e Serbia nuk janë njëjtë, njëra ka qenë viktimë, tjetra agresore  

Eurodeputeti austriak, Lukas Mandl, në kuadër të diskutimeve të Parlamentit Evropian për anëtarësimin e Kosovës në BE theksoi se Kosova ka treguar shembull se si luftohet dhe krijohet shteti modern.

Ndërsa duke folur për pritjet nga takimi i 18 marsit në Ohër, Mandl tha se nuk duhet të mendohen si të njëjta Kosova dhe Serbia, pasi siç u shpreh ai, njëra ka qenë viktima dhe tjetra agresori, përcjell albinfo.at.

“Kemi një javë që do të merren disa vendime shumë të rëndësishme dhe nuk duhet të mendojmë se këto dy vende janë të njëjta, jo, sepse historikisht një vend ka qenë agresori dhe tjetri ka qenë viktima. Gjatë kësaj kohe kemi parë se një vend nuk ka qëndruar pro sanksioneve dhe një shtet tjetër ka qenë plotësisht pro sanksioneve dhe në përputhje të plotë me gjithë politikën tonë të sigurisë”, tha Mandl.

---