Bota
Lëvizja “5 Yje” do votim për koalicionin qeveritar në internet
Lëvizja 5 Yje bëri një marrëveshje për pushtetin me Partinë Demokratike të qendrës së majtë. Por anëtarët e "5-yje"ve duhet të miratojnë marrëveshjen në internet.
Drejtuesit e “Lëvizjes-5-yje” të Italisë kanë rënë dakord për një koalicion me rivalët e tyre të majtë, Partinë Demokratike të moderuar (PD), për të qëndruar në pushtet dhe për të shmangur zgjedhje të parakohshme. Por fati i marrëveshjes varet nga një votim në internet i anëtarëve të 5-Yjeve, tha kjo parti populiste të dielën.
Anëtarët e lëvizjes do të votojnë ditën e martë në platformën online të 5-Yjeve, Rousseau. Po ta miratojnë marrëveshjen, Italia duhet të ketë një kabinet të ri qeveritar brenda “së mërkurës më e vonta”, tha kryeministri Giuseppe Conte, përcjell albinfo.ch.
Mosmarrëveshje në të majtë
Conte është aleat i pavarur me Lëvizjen 5 Yje. Ai dha dorëheqjen pasi Matteo Salvini tërhoqi partinë e tij të djathtë të Ligës nga koalicioni qeveritar në gusht, dhe aktualisht po drejton një kabinet kujdestar.
Marrëveshja midis “5 yjeve” dhe PD parashikon që Conte të mbajë pozicionin si drejtues i një kabineti të ri. Sidoqoftë, po e refuzuan marrëveshjen anëtarët e partisë, Italinë e presin zgjedhje të parakohshme në nëntor.
Ditët e fundit, të dyja palët u përpoqën të kapërcejnë armiqësinë e tyre historike, por PD e kritikoi idenë e vendosjes së marrëveshjes për votim në internet dhe 5-Yjet kërcënojnë të tërhiqen nga bisedimet të premten.
Salvini akoma në epërsi
Të shtunën, themeluesi i “5 yje-ve” Beppe Grillo e miratoi publikisht marrëveshjen dhe i kërkoi PD që të shfrytëzojë mundësinë e “veçantë” për të qeverisur së bashku.
“Le të ëndërrojmë, të kemi një vizion”, tha ai në një video të postuar në blogun e tij.
Udhëheqësi i Lidhjes, Salvini paraqiti një mocion votëbesimi, në përpjekje për të imponuar zgjedhje të parakohshme dhe për të përfituar nga popullariteti i partisë së tij. Aktualisht, Lidhja e Salvini-t ka te zgjedhësit një mbështetje prej 31.2%, në krahasim me mbështetjen prej 24.2% të 5-Yjeve.
Partia PD, e drejtuar dikur nga ish-kryeministri Matteo Renzi, është e treta, me 22.3%, sipas një sondazhi të publikuar të shtunën nga Corriere della Sera.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj