Gjykata Themelore në Pejë ka caktuar masën e paraburgimit prej një muaji ndaj Jeton Sylajt, ish-burrit të Arlinda Zekajt, i cili dyshohet për kryerjen e veprës penale “Mospërfillja e gjykatës”.
Sipas njoftimit të Gjykatës, gjyqtarja e Procedurës Paraprake, Selvije Morina Zejnaj, ka aprovuar kërkesën e Prokurorisë Themelore në Pejë për caktimin e masës së paraburgimit ndaj të pandehurit.
Masa e paraburgimit llogaritet nga 25 tetori 2026, në orën 20:00, deri më 24 nëntor 2026, në orën 20:00.
Kundër këtij aktvendimi, palët kanë të drejtë ankese brenda 48 orëve nga momenti i pranimit të tij. Ankesa i drejtohet Gjykatës së Apelit nëpërmjet Gjykatës Themelore në Pejë.
