Leipzig: Së paku një i vdekur dhe 20 të lënduar nga përplasja e makinës me turmën

Kishte konstatime të ndryshme për numrin e të vdekurve. Varësisht nga burimi, bëhej fjalë herë për një e herë për dy viktima

Një makinë është përplasur me një turmë njerëzish në qendër të Leipzigut, sipas policisë në landin gjerman të Saksonisë. Të paktën një person ka humbur jetën me këtë rast dhe rreth njëzet të tjerë janë plagosur, transmeton albinfo.ch. Kishte konstatime të ndryshme për numrin e të vdekurve. Varësisht nga burimi, bëhet fjalë herë për një e herë për dy viktima

Nuk është e qartë nëse shoferi ka përplasur qëllimisht makinën me turmën apo ka qenë aksident. Shoferi fillimisht ka ikur nga vendi i ngjarjes, por u kap dhe u arrestua pak kohë më vonë, raporton mdr.de.

Incidenti ndodhi në Grimmaische Strasse, një vend takimi, shëtitore dhe rrugë tregtare e njohur në Leipzig, Gjermania lindore.

Rrjedha e saktë e ngjarjeve mbetet e paqartë. Policia nuk ka publikuar asnjë informacion. Sfondi i incidentit, përfshirë një motiv të mundshëm, është gjithashtu i panjohur.

Nuk është e qartë nëse ishte një akt i qëllimshëm zemërimi, një aksident apo diçka krejtësisht tjetër. Ende nuk janë publikuar deklarata zyrtare.

Sipas policisë, shoferi i automjetit është arrestuar. Ai nuk konsiderohet më kërcënim, thonë ata. Autoritetet kanë korrigjuar shifrat e numrit të të vdekurve, sipas MDR.

Pas incidentit që përfshinte një makinë në qendër të Leipzigut, policia fillimisht raportoi një viktimë, një zëdhënës në qytetin sakson i tha agjencisë së lajmeve AFP. Qyteti dhe departamenti i zjarrfikësve kishin raportuar më parë dy vdekje.

---