Tematike
Parlamenti kërkon: Ata që kanë studiuar në Zvicër, të kenë të drejtë pune këtu
Parlamenti i vendit synon ta ndryshojë këtë gjendje dhe ka udhëzuar Këshillin Federal që t'ia lehtësojë kësaj kategorie qasjen në tregun zviceran të punës
Nëse një i diplomuar në universitetin ETH nga India dëshiron të qëndrojë në Zvicër, atij i duhet një leje pune. Por, vetëm një numër i kufizuar i të huajve jashtë BE-së mund të marrin një leje të tillë, transmeton albinfo.ch. Në këto kuota bëjnë pjesë edhe të diplomuarit e universiteteve.
Mirëpo Parlamenti i vendit synon ta ndryshojë këtë gjendje dhe ka udhëzuar Këshillin Federal që t’ia lehtësojë kësaj kategorie qasjen në tregun zviceran të punës.
Kjo, sidomos nëse ata mund të “përdoren” në ndonjë sektor ku ka mungesë të punëtorëve të kualifikuar. Shumica e kantoneve përgjegjëse për lejet e qëndrimit e mirëpresin propozimin.
Të gjitha partitë e përkrahin, përveç SVP-së
Urban Camenzind, këshilltar i qeverisë së Kantonit Uri dhe kryetar i Drejtorëve Kantonalë të Ekonomisë, e shpjegon këtë si vijon: “Është një avantazh që njerëzit që janë arsimuar këtu, në kohën e mungesës së punonjësve të kualifikuar në Zvicër të mund të punësohen në ekonominë dhe industrinë tonë pas përfundimit të kualifikimit të tyre”, shkruan srf.ch.
Kjo, për faktin se në arsimimin e tyre ka investuar edhe Zvicra.
Shumica e partive politike e mbështesin propozimin. Vetëm SVP e refuzon atë madje edhe nëse bëhet fjalë për vetëm 200 deri në 300 të rinj në vit që do të gëzonin trajtimin e tillë. Për SVP-në, kjo ide bie ndesh me vullnetin e popullit, të cilin ai e ka shprehur duke votuar Po për Iniciativën kundër Migracionit Masiv, në vitin 2014.
SVP kërkon që studentët e huaj të paguajnë një çmim që mbulon koston për të studiuar në Zvicër në të ardhmen.
Në vend që të përdoren paratë e taksapaguesve për t’u mundësuar të rinjve të huaj të arsimohen këtu, kreu i grupit parlamentar të SVP, Thomas Aeschi, bën një propozim tjetër: “SVP kërkon që studentët e huaj në të ardhmen të paguajnë një çmim që mbulon koston për të studiuar në Zvicër”, përcjell albinfo.ch. Kjo ndoshta do të arrinte në disa 10,000 franga në vit, gjë që mund të pengojë shumë prej tyre që të studiojnë këtu.
Ekonomia mbështet mocionin
Përveç kantoneve dhe shumicës së partive, edhe biznesi është në favor të lejimit të më shumë të huajve të arsimuar në Zvicër të qëndrojnë këtu. Kështu mendon edhe organizata ombrellë e bizneseve t¨Zvicrës, Economiesuisse, shoqata e industrisë farmaceutike dhe kimike, por edhe shoqata e mjekëve FMH.
FMH shkruan se pandemia ka treguar rëndësinë qendrore të sigurisë së furnizimit në sistemin e kujdesit shëndetësor, transmeton albinfo.ch. Prandaj është e rëndësishme që mjekët nga jashtë mund të qëndrojnë këtu pas diplomimit në një universitet zviceran.
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri