Kush ishte çifti që shpiku vaksinën COVID-19?

Shkencëtarët Ugur Sahin dhe Ozlem Tureci i kanë kushtuar jetën e tyre fushës së onkologjisë dhe sëmundjeve infektive dhe kaluan vite duke u marrë me trajtimet e personalizuara të imunoterapisë për kancerin.

Sahin, 55 dhe Tureci, 53, ngritën BioNTech në qytetin qendror gjerman të Mainz-it në vitin 2008. Të hënën partneri i kompanisë, gjigandi farmaceutik amerikan Pfizer, tha se vaksina e tyre ishte më shumë se 90% efektive në parandalimin e infeksionit.

Në një telefonatë me gazetarët të martën, Sahin shpjegoi rëndësinë e lajmit dhe dha një mesazh shprese për botën.

“Unë mendoj se mesazhi i mirë për njerëzimin është se ne tani e kuptojmë që infeksionet COVID-19 mund të parandalohen me të vërtetë nga një vaksinë,” tha ai, përcjell albinfo.ch

Duke folur për CNN të hënën, CEO i Pfizer-it, Albert Bourla e quajti atë “përparimi më i madh mjekësor” në 100 vitet e fundit.

Ndërsa, Sahin dhe Tureci janë veteranë në botën e arritjeve mjekësore. Sahin dhe Tureci janë renditur në mesin e 100 njerëzve më të pasur të Gjermanisë, sipas të përjavshmes Welt am Sonntag gazeta.

Të martën, vlera e tregut e ndërmarrjes së tyre të listuar në Nasdaq ‘kërceu’ në 25,72 miliardë dollarë – një hap i madh nga 4.6 miliardë dollarë vitin e kaluar. Por, etika bamirëse e çiftit dhe përkushtimi i gjatë ndaj akademisë dhe shkencës duket se i kanë mbajtur ata me këmbë, edhe pse puna e tyre për vaksinën Covid-19 i shtyn ata në qendër të vëmendjes globale.

Në maj, çifti i tha CNN se ndiheshin të detyruar të “siguronin diçka për shoqërinë”, duke pasur parasysh punën që kishin bërë në fushën e tyre gjatë dy dekadave të fundit. Sahin lindi në Iskenderun, një qytet në bregdetin mesdhetar të Turqisë. Ai u transferua në Këln, Gjermani, kur ishte katër vjeç, ku babai i tij punoi në një fabrikë lokale të Ford-it, sipas Reuters. Ai u takua me Turecin, vajzën e një mjeku turk, kur të dy ishin duke filluar karrierën e tyre akademike.

Të martën ai tha se besonte se vaksina BioNTech / Pfizer “nuk do të jetë vaksina e vetme” kundër Covid-19, duke vënë në dukje se një numër i provave të vaksinave të Fazës 3 janë duke vazhduar. Sahin gjithashtu tha se qëllimi i BioNTech, në bashkëpunim me Pfizer, është të rritë prodhimin e vaksinës dhe se ata shpresojnë të prodhojnë deri në 1.3 miliardë doza deri në fund të vitit 2021. Ai përsëriti se BioNTech dhe Pfizer planifikojnë të kërkojnë nga Administrata Amerikane e Ushqimit dhe Barnave të autorizojë përdorimin urgjent të vaksinës, shkruan “CNN”, përcjell tutje albinfo.ch