Kurti thotë se Thaçi do t’ia heqë Kosovës veriun

Lideri i Lëvizjes Vetëvendosje, Albin Kurti, në një postim në Facebook ka folur për dialogun me Serbinë, ku thotë se presidenti i vendit, Hashim Thaçi, është lodhur, jo nga puna, por pse kupton pak. 

Sipas Kurtit, urgjenca e Thaçit për ta finalizuar marrëveshjen me Serbinë, e dobëson shumë pozicionin negociator të Kosovës. 

“Presidenti është lodhur. Ai flet se si duhet ta heqim qafe problemin me Serbinë. Sa më parë. Kjo urgjencë dëshpëruese për rehati e dobëson pozicionin tonë negociator. Aq shumë dhe si asgjë tjetër. Me këtë qasje, presidenti nuk do të na e heqë qafe Serbinë, por do t’ia heqë Kosovës veriun”, ka shkruar ai.