Kosova

Kurti kujton 36-vjetorin e shpalljes së Republikës së Kosovës në Kaçanik

E hënë, 7 Shtator 2026 - 17:00 albinfo.ch
Keystone (AP Photo/Franc Zhurda)

Kryeministri në detyrë i Kosovës, Albin Kurti, ka përkujtuar 36-vjetorin e shpalljes së Republikës së Kosovës në Kaçanik.

Kurti ka rikujtuar se më 7 shtator 1990, 80 delegatë të Kuvendit të Kosovës u mblodhën në mënyrë të fshehtë në Shtëpinë e Kulturës në Kaçanik, ku unanimisht miratuan Kushtetutën e Republikës së Kosovës dhe shpallën Kosovën republikë.

Sipas tij, ky akt politik dhe juridik ishte kundërvënie ndaj regjimit të Serbisë, i cili një vit më herët kishte suprimuar autonominë e Kosovës.

“Kjo do të ishte e para republikë e Kosovës, një republikë që rezultoi të ishte republikë për rezistencë, njëherë paqësore e mandej e armatosur, kulmuar me luftën çlirimtare dhe të drejtë të popullit tonë të organizuar nga Ushtria Çlirimtare e Kosovës, më 1998 dhe 1999”, ka shkruar ai, transmeton albinfo.ch.

“Do të duhej të vinte 17 shkurti i vitit 2008, që republika e Kosovës e shpallur më 7 shtator 1990 në Kaçanik, të ripërtrihej në Republikën e Kosovës shtet të pavarur, sovran dhe demokratik, të njohur nga 121 shtete të botës deri më tani. Kujtojmë me mirënjohje brezin kontribues e të angazhuar për Republikën e Kosovës gjatë viteve ’90, me urimet më të mira për të ardhmen politike të republikës sonë sot!”, ka shkruar tutje ai.

 Të tjera nga Kosova

Partia Demokratike e Kosovës merr pjesë në vazhdimin e seancës konstituive

 E-Diaspora

 Jeta në Austri