Lajme
Krimi në Gjermani bie në nivelin më të ulët në 30 vjet
Sipas Zyrës Federale të Policisë Kriminale (BKA), rreth 5.05 milionë vepra penale u raportuan tek autoritetet vitin e kaluar, që përfaqëson numrin më të ulët që nga viti 1992, shkruan thelocal.de, përcjell albinfo.ch.
Nga viti 1993 deri në vitin 2009 dhe nga viti 2014 në 2016, më shumë se gjashtë milionë krime u raportuan në Gjermani në baza vjetore. Nivelet e krimit ranë me rreth pesë për qind midis 2020 dhe 2021, ndërsa numri i krimeve të zbardhura nga policia u rrit në rreth 58 për qind të rasteve.
U identifikuan rreth 1,890,000 të dyshuar – dy të tretat e të cilëve ishin meshkuj. Sipas BKA-së, nivelet më të ulëta të krimit janë një efekt goditës i pandemisë Covid dhe kufizimeve pasuese të saj në jetën publike. Për shkak të masave të tilla, si bllokimet, shtetrrethimi dhe mbyllja e vendeve publike, kriminelët e mundshëm kishin shumë më pak mundësi për të kryer krim në vitin 2021.
Numri i vjedhjeve të regjistruara ka rënë me rreth 11.8 për qind krahasuar me një vit më parë, ndërsa edhe sulmet janë ulur me rreth dhjetë për qind. Nga ana tjetër, kufizimet e Covid çuan në një zhvendosje të shkeljeve në internet ose në shtëpi. Në fushën e krimit kibernetik, në vitin 2021 janë numëruar pothuajse 16,000 raste më shumë se në vitin 2020 – një rritje prej 12.1 për qind, përcjell tutje albinfo.ch.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit